- ट्रेण्डिङ:
खोटाङ । मोटरसाईकल दुर्घटनामा मालपोत कार्यालय खोटाङमा कार्यरत नायव सुव्वा हरिलाल राईको मृत्यु भएको छ । बुधबार साँझ लाहानमा काठ्माण्डौंबाट पूर्वतर्फ जाँदै गरेको बसको ठक्करबाट नासु राईको मृत्यु भएको हो ।
बसको ठक्करबाट राईसँगै यात्रा गरिरहेका अर्का एक जना घाईते भएको बताइएको छ । कामका सिलसिलामा उदयपुरको गाईघाट हुँदै लहान पुगेको बेला नासु राई दुर्घटनामा परेका हुन् ।
नेपाल निजामती कर्मचारी संगठनका सदस्य रहेका राईको मृत्युमा नेपाल निजामती कर्मचारी संगठन खोटाङका अध्यक्ष मोहन भट्टराईले दुःख व्यक्त गरेका छन् । नासु राई दिक्तेल रुपाकोट मझुवागढी नगरपालिका–४ खाल्ले निवासी हुन् ।
