- ट्रेण्डिङ:
काठमाडौं । काठमाडौंको नागढुंगाबाट स्रोत नखुलेको रकमसहित एकजना पक्राउ परेका छन् । चितवनबाट काठमाडौंतर्फ आउँदै गरेको बा.३ ख ९१३९ नम्बरको हाइस गाडी चेकजाँच गर्ने क्रममा चितवनको माडी नगरपालिका-६ का रामकुमार गुरुङ ३७ लाख नगदसहित हुन् ।
उनले बोकेको झोलाबाट स्रोत नखुलेको नगद ३७ लाख रुपैयाँ बरामद भएको प्रहरीले जनाएको छ । उनको साथबाट ७ लाख ११ हजार रुपैयाँ लेखिएको ग्लोबल आईएमई बैंकको १ थान चेक र हस्ताक्षर भएको तर नगद उल्लेख नभएको १ थान चेक समेत बरामद भएको प्रहरीले जनाएको छ ।
गुरुङलाई नियन्त्रणमा लिएर बरामद भएको रकम र चेकका बारेमा थप अनुसन्धान भइरहेको प्रहरीले जनाएको छ । महानगरीय प्रहरी प्रभाग नागढुंगाबाट खटिएको प्रहरीले सोमबार बिहान चेकजाँच गर्ने क्रममा उनी पक्राउ परेका हुन् ।
