- ट्रेण्डिङ:
जाजरकोट । जाजरकोटमा यातायात समितिमा आवद्ध युवाहरु मजदुरबीचको झडपमा एक युवकको मृत्यु भएको छ । बारेकोट गाउँपालिका–२, लिम्सामा यातायात मजदुरको दुई समूहबीच झडप हुँदा नलगाड नगरपालिका–४, का ३५ वर्षीय नरेश रावलको मृत्यु भएको प्रहरीले जनाएको छ ।
रावलको बारेकोट गाउँपालिका २ देउलस्थित खोलामा शुक्रबार दिउँसो शव फेला परेको थियो । अन्य नलगाड ४ कै सुजन कार्की, विकास रावल घाइते भएका छन्। जाजरकोट डोल्पा यातायात समितिको युवाहरुबीच विवाद भएको थियो।
प्रहरीले १० जनालाई पक्राउ गरी सदरमुकाम ल्याउँदै गरेको प्रहरी नायव उपरिक्षक मधु थापाले जानकारी दिए।घटनामा संलग्नको आरोपमा ६ जनालाई पक्राउ गरेर सदरमुकामतर्फ ल्याइएको प्रनाउ थापाले बताए ।
