- ट्रेण्डिङ:
खोटाङ । खोटाङको हलेसी तुवाचुङ नगरपालिकामा ८ जनालाई कोरोना संक्रमण पुष्टि भएको छ । नगरपालिकामा आइतवार सामान्य लक्षण देखिएका १२ जनाको एन्टीजेन परीक्षण गर्दा ८ जनालाई कोभिड–१९ संक्रमण पुष्टि भएको हो ।
हलेसी तुवाचुङ नगरपालिकामा–५ का ५०, ४४, ३८ र २८ वर्षीय पुरुष, हलेसी तुवाचुङ नगरपालिकामा–६ की ४१ वर्षीय महिला, हलेसी तुवाचुङ नगरपालिकामा–७ का ३९ वर्षीय पुरुष र हलेसी तुवाचुङ नगरपालिकामा– ८ का ३२ वर्षीय पुरुष र गोलबजार नगरपालिका–१२ सिराहाका २७ वर्षीय पुरुषलाई कोरोना संक्रमण पुष्टि भएको स्वास्थ्य शाखाका सहसंयोजक प्रकाश घिमिरेले जानकारी दिए । घिमिरेका अनुसार आठ जनामध्ये दुई जना जनप्रतिनिधि र एक जना नगरका कर्मचारी हुन् ।
वडाध्यक्ष राईले कोरोना संक्रमण भएपछि सामाजिक सञ्जालमार्फत पछिल्लो समय आफूसँग सम्पर्कमा रहेकालाई एन्टिजेन परीक्षण गर्दै सतर्कता अपनाउन अनुरोध गरेका छन् । ‘स्वास्थ्यमा समस्या छैन,’ उनले भनका छन्, ‘रुघाखोकी र हाच्छ्युँबाहेक अरू समस्या छैन ।’
नगरपालिकाले अहिले वडा वडामा पुगेर परीक्षण गर्ने काम भईरहेको शाखाका सहसंयोजक घिमिरेको भनाइछ ।
