- ट्रेण्डिङ:
खोटाङ । खोटाङको दिप्रुङ चुईचुम्मा गाउँपालिकाका चार जनालाई कोभिड–१९ संक्रमण पुष्टि भएको छ । गाउँपालिकामा बुधवार सात जनाको एन्टीजेन परीक्षण गर्दा चार जनालाई कोभिड–१९ संक्रमण पुष्टि भएको हो ।
दिप्रुङ चुइचुम्मा गाउँपालिका–१ का ३१, २५, २५ वर्षका तीन जना पुरुष र दिप्रुङ चुईचुम्मा गाउँपालिका–३ का ४६ वर्षका एक पुरुषलाई कोरोना संक्रमण पुष्टि भएको आइटी अफिसर मणीचन्द्र राईले जानकारी दिए ।
संक्रमितमध्ये १ जनालाई कोभिड अस्पतालको आइसोलेसनमा तथा ३ जनालाई होम आइसोलेसनमा राखिएको गाउँपालिका अध्यक्ष भुपेन्द्र राईले बताए ।
गाउँपालकाले सूचना जारी गर्दै गाउँपालिकावासीलाई स्वास्थ्य सुरक्षाका मापदण्ड पालना गर्दै ‘बाँच्ने र बचाउने’ अभियानमा साथ दिन र स्वास्थ्य सावधानी अपनाउन हार्दिक अपिल पनि गरेको छ । सामाजिक दुरी कायम गरौं, आफू, समाज र राष्ट्रलाई कोभिड १९ बाट बचाऔ ।
पछिल्लो समय जिल्लामा दिनानुदिन कोभिड–१९ संक्रमित भेटिन थालेका छन् । पिसिआर तथा एन्टीजेन परीक्षणको दायरा बढाउने हो भने संक्रमितको संख्या अरु बढ्ने अनुमान गरिएको छ ।
