- ट्रेण्डिङ:
खोटाङ । खोटाङमा ढुङ्गाले किच्दा एक महिलाको मृत्यु भएको छ । हलेसी तुवाचुङ नगरपालिका–४ बडहरे हात्तिवनकी ६६ वर्षिय जानुका पौडेलको पानी लिन जाने क्रममा धारा माथिबाट खसेको ढुङ्गाले किच्दा घट्नास्थलमै मृत्यु भएको वडाध्यक्ष किशोर कुमार वस्नेतले बताए ।
आइतवार विहान ६ बजेतिर घरभन्दा केही पर खोलामा रहेको धारामा पानी लिन गएकी आमा अबेरसम्म नफर्किएपछि खोज्न जाँदा उनका छोराले मृत अवस्थामा भेटेको वडा सदस्य शेषकुमार पौडेलले बताए ।
मृतक पौडेलको टाउको र कम्मरमा चोट लागेको जनाइएको छ। सबै गाँउलेहरु भेला भएर हेर्दा माथिबाट पहिरो खस्दा आएको ढुङ्गाले लागेर जानुकाको मृत्यु भएको अनुमान गरिएको वडा सदस्य पौडेलको भनाइछ ।
