- ट्रेण्डिङ:
काठमाडौं । नेपालमा कोरोनाको कारण थप १२ जनाको मृत्यु भएको छ । मृत्यु हुनेमा ६ जना पुरुष र ६ जना महिला रहेका छन् ।
मृत्यु हुने महिलाहरुमा चितवनकी २ जना ५५ र १८ वर्षीया, काठमाडौंकी ८९ वर्षीया, ललितपुरकी ७० वर्षीया, तनहुँकी २० वर्षीया, कपिलवस्तुकी ६० वर्षीया महिला रहेकी छिन् ।
त्यस्तै मृत्यु हुने पुरुषहरुमा बाराका ९७ वर्षीय, चितवनका ६५ वर्षीय, भक्तपुरका ४० वर्षीय, काठमाडौंका ७० र ७५ वर्षीय, र धादिङका ४७ वर्षीय पुरुष रहेको मन्त्रालयका प्रवक्ता डा. जागेश्वर गौतमले जानकारी दिए ।
यससँगै नेपालमा कोरोनाको कारण ज्यान गुमाउनेको संख्या २ सय ५१ पुगेको स्वास्थ्य मन्त्रालयका प्रवक्ता डा. गौतमले जानकारी दिए ।
