- ट्रेण्डिङ:
काठमाडौं । युक्रेनमा रहेका नेपालीलाई स्लोभाकिया, पोल्यान्ड तथा हंगेरीतर्फ जान आग्रह गरिएको छ । वर्लिनस्थित नेपाली राजदूतावासले स्लोभाकिया, पोल्यान्ड तथा हंगेरीको सीमा खुला भएकाले त्यसतर्फ जान दूतावासले आग्रह गरेको हो ।
दूतावासले मानवीयताको आधारमा स्लोभाकिया, पोल्यान्ड र हंगेरीले युक्रेनमा फसेका विदेशी नागरिकका लागि सीमा खुला गरेको विज्ञप्तिमार्फत जनाएको छ ।
सम्पर्कका आएका नेपालीलाई सुरक्षित तवरले नेपाल फर्कन युक्रेन छोड्न र कुनै समस्या आए दूतावासलाई वा एनआरएनएलाई खबर गर्न पनि सुझाव दिइएको छ । दूतावासले हालसम्म युक्रेनमा १९३ जना नेपाली सम्पर्कमा आएको जानकारी दिएको छ ।(बाह्रखरी अनलाइनबाट ।)
