- ट्रेण्डिङ:
खोटाङ, ३१ बैखाख । खोटाङको जन्तेढुंगा गाउँपालिका–१ देबिस्थानमा गठबन्धनकातर्फबाट उठेका माओवादी केन्द्रका केदारमान राई विजयी भएका छन् । उनले ४५९ मत ल्याएर वडाध्यक्षमा निर्वाचित भएका हुन् ।
एमालेका बलराम राईले ४५१ मत प्राप्त गरे । एमालेका बलरामलाई ९ मतले हराएर गठबन्धनका राई केदारमान निर्वाचित भएका हुन्। वडा सदस्यमा एमालेबाट १ जना र अन्य गठबन्धनबाटै निर्वाचित भएका छन् ।
यस्तै, बराहपोखरी गाउँपालिका वडा नं-५ पौवासेरामा नेकपा एमालेका वडा अध्यक्षका उम्मेदवार फौदराज राईको प्यानल नै बिजयी भएका छन् । उनले ४६४ मत ल्याएर वडाध्यक्षमा निर्वाचित भएका हुन् । गठबन्धनका वडा अध्यक्षका उम्मेदवारले ३०३ मत प्राप्त गरे ।
