- ट्रेण्डिङ:
काठमाडौं । कोरोना संक्रमणको कारण पछिल्लो २४ घण्टामा थप ६ जनाको मृत्यु भएको छ । मृत्यु भएकामध्ये २ जना पुरुष र ४ जना महिला रहेका छन् ।
मृत्यु हुने महिलाहरुमा चितवनकी ४० वर्षीया, भक्तपुरकी ४० वर्षीया, तनहुँकी ९२ वर्षीया र रुपन्देहीकी ७७ वर्षीया रहेका छन् भने पुरुषहरुमा सिन्धुपाल्चोकका ७७ वर्षीय र रुपन्देहीका ६५ वर्षीय रहेको स्वास्थ्य मन्त्रालका प्रवक्ता डा. जागेश्वर गौतमले जानकारी दिए ।
यो संगै नेपालमा मृत्यु हुनेको संख्या २५७ पुगेको छ । त्यस्तै पछिल्लो २४ घण्टामा नेपालमा थप १ हजार २ सय २८ जनामा कोरोना संक्रमण पुष्टि भएसँगै कुल संक्रमितको संख्या ४२ हजार ८ सय ७७ पुगेको छ ।
