- ट्रेण्डिङ:
७ जेठ, धनगढी । धनगढी उपमहानगरपालिकाको नगरप्रमुखमा स्वतन्त्र उम्मेदवार गोपाल हमालले फराकिलो मत अन्तरले अग्रता कायमै राखेका छन् । हमालले २२ हजार ५४१ मत प्राप्त गर्दा उनका प्रतिस्पर्धी नेपालका कांग्रेसका नृपबहादुर वडले ११ हजार ५४४ मत प्राप्त गरेका छन् ।
निवर्तमान नगरप्रमुख समेत रहेका वड र स्वतन्त्र उम्मेदवार हमालबीच १० हजार ९९७ मतको अन्तर छ । अब करिब १२ हजार मत मात्र गणना गर्न बाँकी छ । उपप्रमुखमा भने मतगणनाको सुरुदेखि अग्रता लिइरहेकी गठबन्धनकी साझा उम्मेदवार माओवादी केन्द्रकी शान्ति अधिकारी पछि परेकी छन् ।
उपप्रमुखमा अधिकारीलाई पछि पार्दै नेकपा एमालेकी कन्दकला रानाले अग्रता लिएकी छन् । रानाले १७८ मतका साथ अग्रता लिएकी छन् । कुल ५१ हजार ६५ मत गणना गर्ने बेला रानाले १० हजार ८८० मत प्राप्त गरेकी छन् भने अधिकारीले १० हजार ७०२ मतका साथ रानालाई पछ्याइरहेकी छन् । स्वतन्त्र उम्मेदवार प्रभाकर भण्डारीले ६ हजार मत पाएका छन् ।
