- ट्रेण्डिङ:
खोटाङ। विज्ञापन वोर्डका सदस्य पवन अधिकारीले मिडिया आन्टरप्रिनियर अवार्डअफ द इयर अवार्ड प्राप्त गरेका छन्। देश तथा विदेशमा रहेर विभिन्न क्षेत्रमा योगदान दिने विशेष व्यक्तिलाई प्रदान गरिने ‘एसियन प्रोफेसनल एचिभमेन्ट अवार्ड’ अन्तरगत अधिकारीले मिडिया आन्टरपृनियर अवार्डअफ द इयर अवार्ड प्राप्त गरेका हुन् ।
सिजन मिडियाले आफ्नो १४ औं स्थापना दिवस तथा संविधान दिवस २०७९ को अवसर पारेर दुबईमा कार्यक्रम गर्दै ३४ जनालाई ‘एसियन प्रोफेसनल एचिभमेन्ट अवार्ड २०२२’ वितरण गरेको छ । त्यसमध्ये अधिकारीले मिडिया आन्टरपृनियर अवार्डअफ द इयर अवार्ड पाएका हुन् ।
करीव दुई दशकदेखि मिडिया क्षेत्रमा लागेका अधिकारी अहिले मिडिया उद्यमी, विज्ञापन वोर्डका सदस्य तथा विज्ञापन संघ प्रदेश १ का अध्यक्ष लगायतको विभिन्न जिम्मेवारीमा रहेका छन् ।
एसियन मुलका सामाजिक, राजनैतिक, साँस्कृतिक, शैक्षिक र व्यवसायिक क्षेत्रमा सफल तथा क्रियाशिल व्यक्तिको मेहनतलाई थप प्रेरणा प्रदान गर्ने उद्देश्यले अवार्ड प्रदान गरिएको सिजन मिडियाका अध्यक्ष प्रदीपराज वन्तले बताए ।
सन् २०१९ मा कोभिड–१९ को महामारीका कारण प्रोफेसनल एचिभमेन्ट अवार्डको दोस्रो संस्करण नेपालमै आयोजना गरिए पनि तेस्रो संस्करण दुबईमा नै गरिएको हो ।
