- ट्रेण्डिङ:
खोटाङ। टोखा नगरपालिका वडा नं २ का समाजसेवी तथा सामाजिक अभियन्ता देवराज डंगोलले सोसल वर्कर अवार्ड प्राप्त गरेका छन् । देश तथा विदेशमा रहेर विभिन्न क्षेत्रमा योगदान दिने विशेष व्यक्तिलाई प्रदान गरिने ‘एसियन प्रोफेसनल एचिभमेन्ट अवार्ड’ अन्तर्गत समाजसेवी डंगोलले सोसल वर्करको अवार्ड प्राप्त गरेका हुन् ।
सिजन मिडियाले आफ्नो १४ औं स्थापना दिवस तथा संविधान दिवस २०७९ को अवसर पारेर दुबईमा कार्यक्रम गर्दै ३४ जनालाई ‘एसियन प्रोफेसनल एचिभमेन्ट अवार्ड २०२२’ वितरण गरेको छ । त्यसमध्ये टोखा निवासी डंगोलले उक्त अवार्ड पाएका हुन् ।
समाजसेवी डंगोल टोखाका लागि केही गर्नुपर्छ भनेर उनी निरन्तर लागि रहेका छन्। । उपत्यका विकास प्राधिकरण र पुरातत्व विभागबाट धेरै बजेट ल्याएर टोखामा विकास गरेका छन् डंगोलले । उनको शैक्षिक , स्वास्थ्य चौकी व्यवस्थापन, एम्बुलेन्स ल्याउने कुरामा ठुलो योगदान छ । यहांको समाज परिवर्तन गर्न डंगोलले धेरै भूमिका खेलेको जानकारहरू बताउंछन्।
सामाजिक, राजनैतिक, साँस्कृतिक, र व्यवसायिक क्षेत्रमा सफल डंगोलको क्रियाशिल व्यक्तिको मेहनतलाई थप प्रेरणा प्रदान गर्ने उद्देश्यले अवार्ड प्रदान गरिएको सिजन मिडियाका अध्यक्ष प्रदीपराज वन्तले बताए ।
सन् २०१९ मा कोभिड–१९ को महामारीका कारण प्रोफेसनल एचिभमेन्ट अवार्डको दोस्रो संस्करण नेपालमै आयोजना गरिए पनि तेस्रो संस्करण दुबईमा नै गरिएको हो ।
