- ट्रेण्डिङ:
खोटाङ, असोज १३ । खोटाङमा सुमो दुर्घटनाहुँदा ७ जना घाइते भएका छन । सोमबार बिहान ९:१० बजे हलेसी तुवाचुङ नगरपालिका-१० बिजुलेस्थित मध्यपहाडि लोकमार्गमा दुर्घटना भएको जिल्ला प्रहरी कार्यालय खोटाङले जनाएको छ ।
काठमाडौंबाट दिक्तेल आउदै गरेको ना १ ज ६०९४ नम्बरको सुमो आफै अनियन्त्रित भई सडक भन्दा १० मिटर तल खसेर दुर्घटना भएको प्रहरीले जनाएको छ ।
सुमोमा चालक सहित १३ जना यात्रु सवार थिए । दुर्घटनामा घाइते भएका ७ जनाकै जिल्ला अस्पताल खोटाङमा उपचार भइरहेको जिल्ला प्रहरी कार्यालय खोटाङले जनाएको छ ।
घाइते हुनेहरुमा सोलुखुम्बु महाकुलुङ गाउँपालिका-५ ४७ वर्षीय खडक नारायन राई, काठमाडौं बस्ने ३२ बर्षीया मिस्मा राई, दिक्तेल रुपाकोट मझुवागढी नपा-५ लफ्याङका ३२ वर्षीय देबराज घिमिरे, दिप्रुङ चुइचुम्मा गाउँपालिका-५ का २६ वर्षीया कुसुम राई, दिक्तेलका १९ वर्षीया रुमिका राई, दिप्रुङ चुइचुम्मा गाउँपालिका- ७ का पायल राई र सलिना राई रहेको प्रहरीले जनाएको छ ।
