- ट्रेण्डिङ:
फायल तस्विर
४ चैत, खोटाङ । खोटाङमा एयर डाइनेस्टीको हेलिकप्टर दुर्घटनामा परेको छ । केपिलासगढी गाउँपालिका–२ खार्ताम्छाको बालाबेसीमा हेलिकोप्टर दुर्घटनामा परेको हो । बारीमा ल्याण्ड गर्ने क्रममा हेलिकप्टर दुर्घटना भएको जिल्ला प्रहरी कार्यालय खोटाङले जनाएको छ ।
सुरुमा बारीको डिलमा ल्याड भएको हेलिकप्टर उठाएर बीचमा लान खोज्दा दुर्घटना भएको बताइएको छ । काठमाण्डौबाट चार्टड गरी स्थानीय बागमनि राईको घरमा मरिमराउमा आएको हेलिकप्टरमा चालकसहित ६ जना सवार थिए ।
हेलिकोप्टर राईकै बारीमा मध्यान्ह १२ बजेर २ मिनेटमा ल्याण्ड गर्ने क्रममा दुर्घट्ना हुँदा हेलिमा सवार ५० वर्षीय काजी बहादुर राई घाईते भएका छन्। घाईते राईको खुट्टामा चोट लागेको छ । अन्य ५ जना सकुशल रहेका छन् ।
घाईते राई र हेलिकप्टरका पाइलट सविन थापालाई अर्को हेलिकप्टरबाट काठमाण्डौ पठाईएको जिल्ला प्रहरी कार्यालय खोटाङका प्रमुख प्रहरी नायव उपरिक्षक प्रकाश बुढाथोकीले बताए ।
