- ट्रेण्डिङ:
खोटाङ । असोज १६, खोटाङमा दुई जना प्रहरी जवानलाई कोरोना संक्रमण पूष्टी भएको छ । तालिममा गएर जिल्ला प्रहरी कार्यालय फर्किएका दुई जवानलाई कोरोना संक्रमण पूष्टी भएको हो । तालिममा गएकैबेला लकडाउन भएपछि दुहवी दंगा सुनसरीमा बसेर असोज ११ गते फर्किएका जवानलाई कोरोना संक्रमण पूष्टी भएको जिल्ला अस्पताल खोटाङले जनाएको छ ।
उनीहरुको असोज १२ गते स्वाव संकलन गरेर पिसिआर परिक्षणका लागि टेकु पठाइएकामा बिहिबार पोजिटिभ रिपोर्ट आएको हो । दुहबीबाट आएसँगै जिल्ला प्रहरी कार्यालयको क्वारेन्टीनमा राखिएका जवानलाई संक्रमण पूष्टी भएको जानकारी आएपछि जिल्ला प्रहरी कार्यालयकै आइसोलेसनमा राखिएको प्रहरी नायव उपरिक्षक नारायणप्रसाद चिमरियाले बताए ।
सबै संक्रमितले कोरोना जितेपछि कोरोना संक्रमित रहित बनेको जिल्लामा पुःन दुई जना संक्रमित फेला परेको हो । दिक्तेल रुपाकोट मझुवागढी नगरपालिकाबाट २८ जनाको पिसिआर परिक्षणमा स्वाव पठाइएकामा दुई जना प्रहरीलाई संक्रमण भएको पूष्टी भएको हो ।
यसअघि सरुवा भएर जिल्ला प्रहरी कार्यालय आएका ७ जना प्रहरी जवानलाई कोरोना संक्रमण पूष्टी भएको थियो । यससँगै खोटाङमा पिसिआर परिक्षणमा पठाएकामध्ये कोरोना संक्रमण पूष्टी भएको संख्या २३ पुगेको छ ।
