- ट्रेण्डिङ:
काठमाडौं । सानिमा लाइफ इन्स्योरेन्स कम्पनीले चालु आर्थिक वर्षको दोश्रो त्रैमासको वित्तीय विवरण सार्वजनिक गरेको छ । समिक्षा अवधिमा कम्पनीको अधिकांश सूचकमा प्रगति देखिएको छ । कम्पनीको चुक्ता पूँजी १ अर्ब ४० करोड रुपैयाँ रहेको छ ।
कोष समिक्षा
अवधिमा कम्पनीको जगेडा कोषमा १७ करोड १९ लाख ९४ हजार रुपैयाँ संचिती रहेको छ । जीवन बीमा कोषमा १ अर्ब ६३ करोड रुपैयाँ रहेको छ । गत आर्थिक वर्षको सोही अवधिमा कम्पनीको जीवन बीमा कोषमा ६७ करोड रुपैयाँ मात्र रहेको थियो ।
खुद बीमा शुल्क आर्जन
कम्पनीले दोश्रो त्रैमाससम्म आइपुग्दा ९५ करोड ६३ लाख रुपैयाँ खुद बीमा शुल्क आर्जन गर्न सफल भएको छ । गत आथिृक वर्षको सोही अवधिमा कम्पनीले ४० करोड ७३ लाख रुपैयाँ खुद बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको खुद बीमा शुल्क आर्जन १३४ दशमलव ७७ प्रतिशतले बढी हो ।
नाफा
समिक्षा अवधिमा कम्पनीले ५ करोड ५४ लाख ९१ हजार रुपैयाँ खुद नाफा आर्जन गर्न सफल भएको छ । गत आर्थिक वर्षको सोहि अवधिको तुलनामा कम्पनीको नाफा १५ प्रतिशतले बढी हो । गत वर्षको सोहि अवधिमा कम्पनीले ४ करोड ८० लाख ८४ हजार रुपैयाँ नाफा आर्जन गरेको थियो ।
खुद दाबी भुक्तानी
चालु आर्थिक वर्षको दोस्रो त्रैमासमा कम्पनीले ५ करोड ८२ लाख ३४ हजार रुपैयाँ खुद दाबी भुक्तानी गरेको छ । गत आर्थिक वर्षको वर्षको सोही अवधिमा कम्पनीले ८ लाख ३० हजार रुपैयाँ मात्र दुद दाबी भुक्तानी गरेको थियो । गत आर्थिक वर्षको सोही अवधिको तुलनामा कम्पनीको खुद दाबी भुक्तानी ७० गुणाभन्दा बढीले बृद्धि गर्न सफल भएको छ ।
कुल बीमा शुल्क आर्जन
चालु आर्थिक वर्षको दोस्रो त्रैमासमा कम्पनीले ९७ करोड १६ लाख रुपैयाँ कुल बीमा शुल्क आर्जन गर्न सफल भएको छ । गत आर्थिक वर्षको सोही अवधिमा कम्पनीले ४१ करोड ११ लाख रुपैयाँ कुल बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको कुल बीमा शुल्क आर्जन २ गुणाभन्दा बढीले बृद्धि गर्न सफल भएको छ ।
