- ट्रेण्डिङ:
खोटाङ । खोटाङको खोटेहाङ गाउँपालिका–७ खोटाङबजार र खोटेहाङ गाउँपालिका–८ सिमपानी जोड्ने खिखु खोलामा कल्भर्ट उद्घाटन गरिएको छ ।
गाउँपालिका, वडा कार्यालय सिमपानी र वडा कार्यालय खोटाङबजारको प्रयासमा खिखु खोलामा निर्माण गरिएको कल्भर्ट बुधबार गाउँपालिका अध्यक्ष प्रदीप राईले उद्घाटन गरेका छन् ।
सिमपानीबाट गाउँपालिकाको केन्द्र पुग्ने सडकमा पर्ने खोलामा गाउँपालिकाको ५ मिटर लामो कल्भर्ट निर्माण गरिएको हो । गाउँपालिकाकै ८ लाख खर्चमा खोलामा कल्भर्ट निर्माण गरिएको गाउँपालिका अध्यक्ष राईले बताए ।
कल्भर्टले खोटाङबजारको धनमुढा मगरगाउँ र सिमपानीको छतिवनेलाई जोडेको छ । सिमपानी र गाउँपालिकाको केन्द्रलाई जोड्ने छोटो दुरीको बाटोमा पर्ने भएकाले खिखु खोलामा कल्भर्ट निर्माण गरिएको गाउँपालिकाले जनाएको छ ।
गाउँपालिकाकी उपाध्यक्ष कविता राई, खोटाङबजारका वडाध्यक्ष शिवप्रसाद फुयाँल, सिमपानीका वडाध्यक्ष चन्द्रबहादुर थापा लगायतको उपस्थितिमा कल्भर्ट उद्घाटन गरिएको हो । सो कल्भर्टलाई स्थानीय तीन हजार भन्दा बढि जनसंख्याले उपयोग गर्ने दावी गरिएको छ ।
