- ट्रेण्डिङ:
खोटाङ । खोटाङमा कोरोना भाइरसको संक्रमणबाट एक जनाको निधन भएको छ। दिक्तेल रुपाकोट मझुवागढी नगरपालिका –१ दिक्तेल हाटडाँडाका ५४ वर्षीय प्रदीप राजभण्डारीको कोरोना संक्रमणबाट निधन भएको हो ।
उनी बिरामी भएको खबर पाएलगत्तै नगरको गाडीमा हालेर उपचारका लागि जिल्ला अस्पताल दिक्तेलमा पुर्याउने बित्तिकै गएराती उनको निधन भएको नगरप्रमुख दिपनारायण रिजालले बताए । अस्पतालमा पुर्याउने बित्तिकै उनको एन्टिजेन परीक्षण गर्दा कोरोना पोजेटिभ देखिएको थियो।
राष्ट्रिय वाणिज्य वैंक दिक्तेलका पूर्व प्रवन्धक समेत रहेका राजभण्डारीलाई पाँच/छ दिन देखि सामान्य ज्वरो आएको बुझिएको स्थानीय तथा वडा सदस्यीय प्रकाश कुमार श्रेष्ठले बताए । मृतकको शव व्यवस्थापनका लागि नेपाली सेनाको सहयोगमा सद्गदका लागि परिवारलाई नै दिने तयारी भइरहेको नगरप्रमुख रिजालले बताए ।
नगरपालिकामा ८६ जनामा कोरोना संक्रमण भएको छ भने जिल्लाभर २५९ जनामा संक्रमण देखिएको छ। संक्रमणबाट खोटाङ घर भई अन्य ठाँउमा उपचारको क्रममा दर्जन वढिले ज्यान गुमाएपनि जिल्लामा संक्रमणबाट निधन भएको यो दोस्रो घटना हो।
