- ट्रेण्डिङ:
सांकेतिक तस्विर
खोटाङ । संविधान दिवसका अवसरमा खोटाङ कारागारबाट पाँच जना कैदबन्दी रिहा भएका छन् । सदरमुकाम दिक्तेलस्थित कारागारमा विभिन्न घटनामा सजाय पाएर जेल जीवन विताइरहेका पाँच जना कैदी बन्दीलाई आम माफी दिई सोमवार रिहा गरिएको हो ।
५० प्रतिशत कैद सजाय भुक्तान गरिसकेका र असल चालचलन भएका कैदीबन्दीको बाँकी कैद सजाय मिनाहा गरी रिहा गर्ने सरकारी नियमअनुसार उनीहरुलाई कैद मिनाहा गरिएको निमित्त जेलर सोमप्रसाद आचार्यले जानकारी दिए ।
रिहा हुनेहरुमा कर्तव्य ज्यान मुद्दाका भक्तबहादुर राई र रत्नबहादुर थापा रहेका छन् । यस्तै, ज्यान मार्ने उद्योगका धनबहादुर राई, हातहतिया मुद्दाका मनकाजी राई र सवारी ज्यान मुुद्दाका भविन बस्नेत रहेका आचार्यले बताए । कारागारमा जेल जीवन बिताइरहेका कैदी बन्दीमध्ये सवैभन्दा राम्रो आचरण भएको कैदीलाई आममाफी दिने चलन छ । यिनीहरूको अचारणमा सुधार आएको र कैद भुक्तान गर्न थोरै समय रहेकोले उनीहरूलाई कारागारबाट रिहाइ गरिएको
संविधान दिवसको अवसरमा खोटाङका पाँच सँगै राष्ट्रपति विद्यादेवी भण्डारीले देशभरका ६ सय ८१ जना कैदी–बन्दीको कैद कट्टा र २१ जनालाई सजाय माफी दिएकी हुन् ।
