- ट्रेण्डिङ:
जिल्ला प्रहरी कार्यालय खोटाङले सार्वजनिक सुनुवाइ कार्यक्रम गरेको छ । जिल्ला प्रहरी कार्यालय खोटाङको प्राङ्गणमा शनिवार समुदाय प्रहरी साझेदारी अन्तर्गत शान्तिपूर्ण एवम् सुरक्षित समाजका लागि प्रहरीले गरेको सेवा प्रवाह, सेवा प्रवाहका क्रममा भएका समस्या र समाधानका विषयमा सरोकारवालाहरूसँग सार्वजनिक सुनवाई गरेको हो ।
कार्यक्रममा सहभागीहरुले प्रहरीले दिने सेवा प्रवाहमा केही सुधार आएपनि समाजमा विकृति विसंगति, दुव्र्यसनी जस्ता घटनाहरु भने मौलाएको बताएका छन् । उनीहरुले अपराधिक घटनाहरु न्युनिकरणका लागि जनचेतना बिस्तारमा जोड दिनुपर्ने, प्रहरी र नागरिकबीच सिस्ट भाषाको प्रयोग गर्नुपर्ने, प्रहरीले दिने सेवा प्रवाहमा अझै सुधार गर्दै लैजानुपर्ने लगायतका सुझाव दिएका थिए ।
कार्यालयले प्रवाह गरिरहेको सेवाको सम्बन्धमा सहभागीहरूले उठाएका सवालको जिल्ला प्रशासन कार्यालय खोटाङका प्रशासकीय अधिकृत उपेन्द्र राई, जिल्ला प्रहरी कार्यालय खोटाङका प्रहरी नायव उपरिक्षक मञ्जिल मुकारुङले जवाफ दिएका थिए ।
कार्यक्रममा राजनीतिक दल, जनप्रतिनिधिहरु, नागरिक समाज, सरोकारवाला निकाय, स्थानीयवासी लगायतको उपस्थिति रहेको प्रहरी नायव उपरिक्षक मुकारुङले जानकारी दिए ।
