- ट्रेण्डिङ:
खोटाङ । खोटाङको वराहपोखरी गाउँपालिका–१ वराहपोखरीमा ट्याक्टर दुर्घट्ना हुँदा एकजनाको ज्यान गएको छ ।
वराहपोखरीको भिरगाउँस्थित रुम्दुबाट रसुवाघाटतर्फ खयरको काठ लिएर गईरहेको मे १ त ८५९७ नम्बरको ट्याक्टर शनिबार साँझ ५ ः३० बजे आफै अनियन्त्रित भई सडकबाट अन्दाजी ७०० मिटर तल खसेर दुर्घट्ना हुँदा चालक झापा बुद्धशान्ति नगरपालिका–४ शान्तिनगरका २८ वर्षीय अमृत लिम्बुको ज्यान गएको हो ।
लिम्बुको शव सडकभन्दा ५०० मिटर तल भिरमा मृत अवस्थामा फेला परेको जिल्ला प्रहरी कार्यालय खोटाङका सूचना अधिकारी हरि बरालले जानकारी दिए ।
सोही ट्याक्टरमा सवार वराहपोखरीका २४ वर्षीय मुकेश मगर गम्भीर घाईते भएका छन् । मगरको टाउको र शरिरको विभिन्न भागमा चोट लागेको छ । उनलाई उदयपुरको गाईघाट उपचार पठाईएको छ । घट्नाको थप अनुसन्धान तथा कानुनी प्रक्रिया भईरहेको प्रहरीले जनाएको छ ।
