- ट्रेण्डिङ:
खोटाङ । नेपाली कांग्रेसको भातृ संगठन नेपाल तरुण दल जिल्ला कार्य समिति खोटाङले ट्राफिक प्रहरीलाई होल्डिङ बोर्ड हस्तान्तरण तथा जेब्राक्रसमा रंगरोगन गरेको छ ।
तरुण दलले ७२ औं स्थापना दिवसका अवसरमा शनिबार दिक्तेलस्थित रत्नपार्कको सडकमा यसअघि बनाईएको जेब्राक्रसमाथि रंगरोगन तथा जिल्ला ट्राफिक प्रहरी कार्यालयलाई दुईवटा होल्डिङ बोर्ड हस्तान्तरण गरेर दिवस मनाएको हो ।
दिवसका अवसरमा रत्नपार्कको मुख्य चोक जिरोप्वइन्टमा मेटिदै गएको दुईवटा जेब्राक्रसमा रंग दलेर नयाँ बनाएर र ट्राफिक प्रहरीलाई सवारी चेक गर्नमा सहायता पु¥याउने होल्डिङ बोर्ड हस्तान्तरण गरेर दिवस मनाईएको नेपाल तरुण दल खोटाङका अध्यक्ष काजीमान राईले बताए।
