- ट्रेण्डिङ:
खोटाङ । खोटाङको ऐसेलुखर्क गाउँपालिकाले शनिबारे हटिया अनिश्चितकालका लागि बन्द गरेको छ । ऐसेलुखर्क गाउँपालिका–३ ऐसेलुखर्कमा साप्ताहिक रुपमा लाग्दै आएको शनिबारे हटिया बन्द गरेको हो ।
विश्वव्यापी महामारीको रुपमा फैलिरहेको कोरोना भाइरस (कोभिड–१९) नेपालमा पनि दिनानु दिन बढी रहेको र यस गाउँपालिकाका केही छिमेकी स्थानीय तहहरुमा समेत कोभिड–१९ संक्रमित व्यक्तिहरु देखिन थालेकाले संक्रमणको जोखिमलाई मध्यनजर गर्दै आजदेखि अर्को सूचना जारी नभएसम्मलाई शनिबारे हटिया बन्द गरिएको गाउँपालिका अध्यक्ष विश्वनाथ निरौलाले बताए ।
गाउँपालिकाले कोरोना भाइरसबाट आफू बचौं र अरुलाई पनि बचाउ भन्दै ऐसेलुखर्कबजारका औषधी,इन्धन र खाद्यन्न पसल बाहेक अन्य पसलहरु अत्यावश्यक अवस्थामा मात्रै खोल्न आग्रह गरेको छ । अवस्था हेरेर यातायात सेवा समेत वन्दगर्ने तयारी रहेको गाउँपालिका अध्यक्ष निरौलाले बताए ।
यो गाउँपालिकामा हालसम्म १ जना संक्रमित भएका छन । उनी कोरोना जितेर घर फर्किसकेका छन् ।
