- ट्रेण्डिङ:
मान्छेको भेष धारण गरेर
आफूलाई मान्छे कहलाउन
नौटंकीको कुनै कसर बाँकी नराख्ने
मान्छे भनाउँदा मान्छेहरूको भीडमा
मान्छे बन्ने मेरो कोसिस
पटकपटक विफल भएको छ
यहाँसम्म कि
मान्छे भनाउँदा मान्छेहरूको
आक्रमणमा परिने डरले
आफूभित्रको मान्छे खुम्च्याएर
आफ्नो असहमति रहँदारहँदै
उनीहरूका स्वार्थी विचारमा
ताली पिट्नु परेको छ
बल्ल आज चेत घुस्यो
राजदरबार त्यागेर गौतमबुद्ध
जंगल किन पसेथे ।
