- ट्रेण्डिङ:
खोटाङ । खोटाङको दिप्रुङ चुइचुम्मा गाउँपालिकाले कक्षा ११ को परीक्षा सुरु गरेको छ । राष्ट्रिय परीक्षा वोर्ड परीक्षा सञ्चालन व्यवस्थापन प्रमाणिकरण कार्यविधि २०७७ अनुसार गाउँपालिकाले पाँच वटा विद्यायमा आइतबारदेखि परीक्षा सुरु गरेको हो ।
महेन्द्रोदय मावि ओख्रे, कृष्ण मावि टेम्मा, सरस्वती मावि डाँडाखर्क, शान्ति मावि छोरम्बु र जनता मावि बतासेमा परीक्षा सुरु गरिएकोे गाउँपालिकाले जनाएको छ ।
गाउँपालिकाका अनुसार महेन्द्रोदय माविमा ९१ जना, कृष्ण माविमा ५१ जना, सरस्वती माविमा ५९ जना, शान्ति माविमा ६५ जना र जनता माविबाट १७ जनाले परीक्षा दिइरहेका छन् । कार्तिक २८ मा परीक्षा समापन हुनेछ ।
