- ट्रेण्डिङ:
खोटाङ । संसद विघटनको बिरोधमा जनता साजवादी पार्टी खोटाङले मोटरसाईकल र्याली निकालेको छ । पाँच वर्षका लागि अनुमोदित सरकारका प्रधानमन्त्री केपी शर्मा ओली र राष्ट्रपति विद्यादेवी भण्डारीले असंबैधानिक ढंगले संसद बिघटन गरेको भन्दै जनता समाजवादी पार्टीले शनिबार दिक्तेलदेखि हलेसीसम्मको वृहत मोटरसाईकल र्यालीको आयोजना गरेको हो ।
३६ किलोमिटर दुरीमा रहेको दिक्तेल–हलेसी मोटरसाईकल र्यालीकाक्रममा विभिन्न ठाउँमा कोणसभा आयोजना गर्ने कार्यक्रम रहेको जनता समाजवादी पार्टीका जिल्ला अध्यक्ष टंक थापाले बताए ।
दिक्तेलबाट हलेसी पुग्ने र्यालीले हलेसीमा सरसफाई गर्ने र दुर्छिममा पुगेर र्याली समापन गर्ने कार्यक्रम रहेको जनता समाजवादी पार्टीले जनाएको छ । यो समाचार तयार पार्दासम्ममा मोटरसाईकल र्याली अर्खौले पुगेको छ ।
