- ट्रेण्डिङ:
खोटाङ । नेकपा एमालेको भातृ संगठन अखिल नेपाल स्वतन्त्र विद्यार्थी युनियन (अनेरास्ववियु) खोटाङको अध्यक्षमा बिष्णु उपरकोटी चुनिएका छन् । ऐसेलुखर्क गाउँपालिका–३ ऐसेलुखर्कस्थित त्रिभुवन माविको प्राङ्गणमा शुक्रबार सम्पन्न २४ औं जिल्ला सम्मेलनबाट उपरकोटी सर्वसहमत अनेरास्ववियुको अध्यक्षमा चुनिएका हुन् ।
अधिवेशनले उपरकोटीको अध्यक्षतामा ३९ सदस्यीय जिल्ला कमिटी गठन गरेको छ। कमिटीको उपाध्यक्षमा सुरेश प्रधान, शुशिला तिम्सिना, सचिवमा अभिषेक घिमिरे, सह–सचिवमा ईश्वर आचार्य, प्रकाश पौडेल, बिक्रम क्षेत्री र उर्मिला राई तथा कोषाध्यक्षमा रम्बोहाङ राई चयन भएका छन् ।
अनेरास्ववियुका केन्द्रीय अध्यक्ष समिक बडालले उद्घाटन गरेको अधिवेसनमा अनेरास्ववियुका केन्द्रीय महासचिव नरेश रोकायलगायतको उपस्थिति थियो।
