- ट्रेण्डिङ:
विराटनगर । नेपाली कांग्रेस कोसी प्रदेश समितिको पहिलो सम्मेलन आउँदो मंसिर २२ गते विराटनगरमा हुने भएको छ । सम्मेलनको उद्घाटन पार्टी सभापति शेरबहादुर देउवाले गर्नेछन् ।
सम्मेलनको तयारीका सम्बन्धमा जानकारी दिन बिहीबार विराटनगरमा आयोजित भेटघाट कार्यक्रममा तयारी स्वरुप आठवटा उपसमिति गठन भएको सभापति उद्धव थापाले जानकारी दिए ।
कांग्रेसको प्रदेशस्तरीय संगठनलाई क्रियाशील, सुदृढ, चलायमान र थप जिम्मेवार बनाउनका लागि प्रदेश कार्य समितिले विभिन्न अभियान सञ्चालन गर्दे आएको थापाले बताए ।
राजनीति, आर्थिक र सांगठनिक प्रतिवेदन पारित भएअनुसार नै अबको कार्यदिशा लिएर अघि बढ्ने सभापति थापाको भनाइ छ ।
कांग्रेसले पुस १६ राष्ट्रिय मेलमिलाप दिवसको सन्दर्भ पारेर झापाको केचनाबाट सगरमाथासम्म जनजागरण अभियान सञ्चालन गर्ने घोषणा महामन्त्री भुपेन्द्र राईले बताए ।
महामन्त्री राईका अनुसार, “रोजगारी, कृषि, रहनसहनसँग जोडिएर अध्ययन गर्ने तयारी हो ।”
