- ट्रेण्डिङ:
खोटाङ । खोटाङबाट प्रतिनिधि सभा सदस्यमा वाम लोकतान्त्रिक गठबन्धनकातर्फबाट उम्मेदवार बनेका माओवादी केन्द्रका रामकुमार राई निर्वाचित विजयी भएका छन् । उनले ३१ हजार ३५१ मत ल्याउँदै निकटम प्रतिद्वन्द्वी नेकपा एमालेका उम्मेदवार विशाल भट्टराईलाई हराए । भट्टराईले २८ हजार ६८२ मत प्राप्त गरेका छन् । राईले एमालेका भट्टराइलाई २ हजार ६६९ मतान्तरले पराजित गरेका हुन् ।
२०७४ सालको निर्वाचनमा एउटै टिमबाट राई प्रदेश सभा सदस्य निर्वाचित थिए भने भट्टराई प्रतिनिधिसभा सदस्यमा निर्वाचित भएका थिए । जनता समाजवादीका कृष्णकुमार राईले १ हजार ९१४ मत ल्याएका छन् भने राष्ट्रिय प्रजातन्त्र पाटीका सर्जु श्रेष्ठले १ हजार ७६१ मत ल्याएका छन् । खोटाङमा ६७ हजार ४०८ मत खसेकोमा २ हजार ९८६ मत बदर भएको थियो ।
